Con motivo da celebración do Día Escolar da Non Violencia e da Paz, e tendo en conta o noso PDI que ten a arte e o movemento como fio condutor, o noso alumnado levou a cabo unha performance inspirada na emblemática obra The Artist is Present da artista Marina Abramović.
Cada neno e nena sentou, por quendas, nunha cadeira fronte a outra baleira. Os demais nenos e nenas e docentes, foron convidados a sentar fronte a eles, compartindo un momento de conexión sen palabras, só a través da mirada e da presenza consciente.
Nun mundo cheo de ruído, esta acción sinxela puxo o foco na escoita, no respecto e na atención plena ao outro.
Esta experiencia converteuse nun acto simbólico de paz: un espazo onde o silencio se enche de sentido, onde a mirada recoñece ao outro como igual, e onde a arte serve como ferramenta para construír pontes de empatía, afecto e comprensión mutua.
Ningún comentario:
Publicar un comentario