RECOMENDACIÓNS DE NADAL

Este Nadal dende o Equipo da Biblioteca do CRA A Picarña recomendamos unha escolma de libros para agasallar. Aquí quedan estas ideas para Apaldpadoras, Pandigueiros, Papá Noeis, Reis Magos e demais seres que puidesen ter interese neles.

Aproveitamos a ocasión para desexarvos de parte de todo o equipo docente unhas felices festas e un bo Nadal.

Vémonos á volta!

DÍA INTERNACIONAL DAS PERSOAS CON DISCAPACIDADE

O 3 de decembro, Día Internacional das Persoas con Discapacidade, coñecemos á artista Sara Biffin, pintora sen brazos, nen mans. Para dar valor a todas as persoas con discapacidade e a súa capacidade de superación , intentamos poñernos un pouco na súa pel pintando da mesma forma que a artista o facía.

25 N. Día Internacional da Eliminación da Violencia Machista

Este curso, para o traballo ao redor do 25N, seleccionamos diferentes títulos a través dos que visualizar como se pode presentar no noso entorno tal violencia. Aquí vos deixamos unhas fotos de dita escolla.

Ademais, podedes ver aquí o vídeo que se realizou nunha das aulas tras a reflexión sobre os contos expostos.

A introducción á reflexión sobre as violencias, e en concreto á violencia contra as mulleres, é unha temática difícil de abordar na educación infantil, pero necesaria. Por iso é preciso abordala de xeito sinxelo pero con contundencia, para que saiban identificar a violencia e plantarse se algún día a sofren.

O MAGOSTO E 25 ANOS DO CRA

Co tempo de outono, aproveitamos para xuntarnos todas as aulas do CRA e festexar o magosto.

Para elo, argallamos diferentes estacións de xogos populares, asamos castañas, preparamos cucuruchos... e compartimos momentos de xogo e diversión. Nesta celebración tamén nos acompañou Sabela Gago, coa que a través das súas historias fixemos  unha viaxe na que o sol, o vento e as nubes, axudáronnos a reconstruir o mundo. 

Ademais, este ano cúmprense os 25 anos da composición do noso CRA, polo que tamén tivemos que soprar as velas.

Aquí vos deixamos algunhas das fotiños dese día.

PROPOSTA ARTÍSTICA: A ÁRBORE.

O mércores 13 de novembro xuntámonos na biblioteca e sede do CRA para celebrar o Magosto e os 25 anos da formación do noso colexio.

Aproveitamos a xornada para realizar unha proposta en torno un proxecto de @escolaimaxinada cuxa inspiración xorde da proposta “El albero” de Bruno Munari.

Nós fixemos a nosa adaptación e reinterpretación da proposta dando protagonismo á árbore de Ganade, un castiñeiro que é testemuña de historias, momentos e xogo libre.

Quixemos, nun primeiro momento, poñer en valor a biblioteca e amosar aos nenos e nenas aqueles recursos bibliográficos cuxa temática central é a árbore. Sinxelamente observaron os libros que estaban na mesma. 

Posteriormente, invitamos aos nenos e nenas a crear as súas propias árbores rasgando papel continuo e unindo con cinta de pegar para crear a súa composición. 

Unha vez rematado o paso anterior, enchimos de vida as nosas árbores pintando con carboncillo aqueles elementos que queríamos meter nas mesmas, dende páxaros ata froitas, o alumnado foi proxectando de xeito diferente as súas percepcións.

Por último, puxemos a nosa composición na árbore, vinculándoa e uníndoa á mesma, formando un todo. 
O castiñeiro rematou sendo, inspiración, base expositiva e parte do resultado artístico final. 

XORNADA DE BIBLIOTECAS

Este martes 29 de outubro todo o alumnado e profesorado do CRA nos xuntamos na Biblioteca para celebrar o Día das bibliotecas. Con tal motivo realizamos varios obradoiros enmarcados dentro da motivación do PDI CREARTE que desenvolveremos este ano. 

Trátase dun proxecto artístico que pon en escena a arte e o movemento como instrumento de autocoñecemento e coñecemento da contorna, tamén como un fin en si mesmo do que gozar, sentir e valorar.

Para esta xornada planificamos un primeiro momento da mañá no que os nenos e nenas se puideron poñer en contacto cos novos materiais e espazos exteriores e interiores da nosa biblio en Ganade.

Tamén plantexamos os seguintes obradoiros:

1. Formación usuarias/os. Coñecemento dos libros artísticos que forman parte da biblioteca. Lectura do conto “Un artista é…” e experimentación e observación dos libros pop-up, libros informativos sobre artistas, fotografías de obras artísticas… que forman parte deste espazo. 

2. Decoración a través do estampado das bolsas para o préstamo (elementos naturais e cores suaves).

3. Coñecemento da técnica plástica: marmolado, motivando a proposta co conto “Moncho e a mancha”.

4. Movemento con panos. Deixándonos levar polo movemento do corpo, a música e o vento. 

5. Zona de calma e relaxación, para eses momentos que precisamos durante a xornada. 

Ademais, nesta xornada tivemos a sorte de contar con Erica Iglesias, que nos achegou á música tradicional, amosounos instrumentos e obxectos cotiás cos que facer música e aprendemos cancións gozando coa súa marabillosa voz. 

RECURSOS PARA FESTEXAR O SAMAÍN

Achégase a semana máis aterradora do curso, e para meternos o medo no corpo, dende a biblioteca do CRA A Picaraña realizamos unha escolma dos contos máis terroríficos. Algúns deles son:

“A miña amiga a escuridade” de Ella Burfoot. Editorial Baía.


“Donde viven los monstruos”, de Maurice Sendak. Editorial Kalandraka.

“O Papón” de Pablo Albo & Maurizio A. C. Quarello. Editorial OQO.

"Corre, corre, cabaciña" de Eva Mejuto e André Letria. Editorial OQO.

"Guapa" de Harold Jiménez Canizales. Editorial Apila.

"A pantasma colorida" de  Gema García e Rocío Pedreira. Editorial Hércules. 

"Sete monstros e un gato" deRafael Ordóñez e Christian Inaraja. Editorial Kalandraka.

"Hugo, que miedo tuvo" de Lluís Farré e Mercè Ubach. Editorial Carambuco.

Podedes atopalos todos na sección temática da nosa biblio.

Agardamos que vos gusten!